, Mien Beleevnisbericht von dat Utwartsspeel gegen Henstedt-Ulzburg

Bün ick mol lostuckert mit mien Fendt gau achtern Strippsen vonne Käuhs.
Man war dat een Törn. Dann uck noch ne Umleitung in Alvesloe, da wes dat bannig knapp.tun Speel. Aver is good gahn.

Ick kümm inne Hall und wat is. Söben Lüüd brugst du jo toon Handballspeel. Grot mol söben wer se west; meer nich. Füng aber good an. Glichs mit twee vor, Carina und Lisa von buten.

Doch dann ward die Gastgebers waak. Öber 3:3 (11. Min) gahn se mit söss to veer in Front. Dann bekümmt Verena Wagner uck noch ne twee-Minuten-Strov und in de Tied mog de SV noch twee weitere dingers. Bi 8:4 ging den Deerns de Achtersen ganz schön op Grundies. Achteran ward se grantiger inne Wehr und künnt so auf twee Tore verkürzen. Mit tein to acht geit dat innne Verpuust.

Jüst mut ick seggen: dree Tempgegnstöße heb sei verballert. Dat tut nich Not!

Buddel Beer inne Püüs und alles weer wedder good.

In de tweete Halftied mog sei glichs dat erste Tor. 10:9 nun geit dat aber los, sech ick noch. Doch dann ruscht der SV durch de Herzhorners hindürch. Vörn verballert und schwupps löp de eene Deern den Gegenstoß  un de Ball is bin. Immer wedder immer de Tamara Schuhmacher... son schiet. Dor häb se nich oppasst. Erst achter dat 17:11 un een Uttied ward dat beeder.

Aber de Hattenhorner finn sik noch nich mit de Neederlog af. Öber 19:14 kümmt se op 21:18 an de andern ran. Un se heb ne Riesenchaans von buten und im Gegenstoß, mok se aver nich rin.

Achter dat 23:20 inne 55.Minuut lädiert sik de lüdde Joele Riedeberger und mut rut. Mit nu fief Lüüd ging dat nich un so gahn dat Speel mit 27:21 över dat Stüür.

Een bedden bedrübbelt wer ich jüst aver: na mog nichs, möt se eben Schwartau am Sünnobend platt moken...

Ick bin dorbi!

Junn Buer Hansen ut Hattenhorn